Tuesday, July 8, 2014

ரிலீசுக்கு தயாராகும் ஆர்யாவின் மீகாமன்


‘முன்தினம் பார்த்தேனே’, ‘தடையற தாக்க’ ஆகிய படங்களை இயக்கிய மகிழ் திருமேனி, ஆர்யாவை வைத்து ‘மீகாமன்’ என்ற படத்தை இயக்கி வருகிறார். இதில் ஆர்யாவிற்கு ஜோடியாக ஹன்சிகா நடித்துவருகிறார். தமன் இசையமைத்திருக்கிறார். சதீஷ்குமார் ஒளிப்பதிவை செய்திருக்கிறார். இப்படத்தை ‘நான் அவன் இல்லை’, ‘மாப்பிள்ளை’ உள்ளிட்ட படங்களை தயாரித்த நேமிசந்த் ஜபக் நிறுவனம் தயாரித்து வருகிறது. 

ஆக்ஷன் திரில்லலராக உருவாகி வரும் இப்படத்தில் ஆர்யாவுடன் ஏழு வில்லன்கள் மோதவிருக்கிறார்களாம். ஆசிஷ் வித்யார்த்தி, மகா காந்தி, அஷுதோஷ் ராணா, ஹரிஷ், மகாதேவன், சுந்தன் ஷு பாண்டே இந்த ஏழு பேரும் ஆர்யாவுடன் மோதவுள்ளார்களாம். இப்படத்தின் டீசர் சமீபத்தில் வெளியாகி ரசிகர்கள் மத்தியில் பெறும் வரவேற்பு பெற்றது.

இந்நிலையில் இப்படத்தின் படப்பிடிப்பு தற்போது முடிவடைந்துள்ளது. இதையடுத்து இறுதிகட்டப் பணிகளை தொடங்கியுள்ளனர். கூடிய விரைவில் இப்படத்தை வெளியிடப்போவதாக படக்குழுவினர் கூறியுள்ளனர்.


SOURCE: MAALAIMALAR

No comments:

Post a Comment